الخميس، 15 مارس، 2012

كلمات اغنية احمد مكى قطر الحياه

كلمات اغنية قطر الحياة

كلمات اغنية قطر الحياه احمد مكى

كلمات اغنية احمد مكى الجديده

المخدرات - قطر الحياه


في كل لفة عقرب ساعة
عمري بيتسرسب بيعدى
الناس والدنيا بتتغير
حتى الحديد بيصدى
وأنا الوحيد واقف مكانى ثابت
في ناس اختارت سكة صابت
ناس تانية اختارت سكة خابت
احساس قاسي وصعب
لما الناس تشوفك فاشل
ابوك وامك واخواتك وصحابك
شايفينك عاطل
قوم يابنى اسعى وحاول
والله غلبت احاول
ياما حاولت و قبل ما الجون يجيي يطلع فاول
معنديش مهارة وحتى كوسة
وحوستى حوسة
ودوست بعد اخر البنزين بدوسة
في كل مقابلة شغلانة يتقالى لف نفسك
بشهادتك معادتشي جامدة
اي حيط وخدلك بوسة
رجعت فلاش باك حسبت سنين عمري 30 سنة
لقيت حسبت تانى وتالت واتخضيت
ببص في المراية كم شعراية بيضة لقيت
وابويا هو الى لسة بيصرف ع البيت
بتعامل من عيلتى على انى عالة
وحالتى حالة ثقتى بنفسي راحت
النجاح بقى استحالة
نفسي اهرب من نفسي ومن حالتى و من عيلتى ومن الدنيا
نفسي القى دنيا اهرب ليها ولا حتى ثانية
وفي يوم قالهالى صاحبي
والى يدلك عالطريق
ميفدش صاحب غير صاحبو اسمع من الصديق
قالى في قعدة ضرب حلوة باليل عاملينها
سالتو هاش ضحك وقالى بيسة
قولتله لا منها
قالى متخافش مش ممكن تدمن من اول شكة
اقنعنى باليل فعلا شكيت اول شكة
مفاصلي ساحت وارتاحت وروحى راحت
بكلم نفسي من جوة وبرغي من برة ساكت
همومي شبه تاهت والرؤية باهت في باهت
كل مشكلة كانت عندى في الدنيا ماتت وتاهت
عدت ساعات في ثانية لقيت الصحبة قايمة
دخلت بيتى وش الفجر عيلتى كانت نايمة
دفنت نفسي تحت البطانية جسمى مثلج
نمت في اقل من ثانية نومت واحد متبنج


قطر الحياة بيعدي بسرعة سنة في سنة في سنة
وانا زي مانا من لما كان عندى سنة
هى هى الحياة هو هو انا انا
زهقت طهقت من الحياة
تقدر تقول مليت انا


صحيت وفقت رجعت تانى للواقع والعكننة
عدى النهار بطيئ كانو كم شهر او سنة
نفسي النهار يعدى بسرعة واضرب تانى
ارجع ملك زمانى بعيد عن العالم اللي رماني
خلونى اضرب معاهم كل يوم وبتعزم
خلاص دخلت السكة والطريق بيترسم
فاجئنى صاحبي في يوم قالهالى في وشي خف تعوم
اجيب منين فلوس ليا وليك نضرب كل يوم
شخشخ جيبك يا من قعدتنا دي تكون محروم
من النهاردة مفيش درة بلاش مفهوم.. مفهوم
روحت وتانى يوم في معاد الضرب جسمى اتكهرب
كراكيب في ظهري ومناخيري سايلة وبتسرب
عاوز اضرب منين اجيب فلوس منين اجيب فلوس
بدأت استلف من كل الى اعرفه وادوس
وحتى اخواتى خدت منهم ياما فلوس دروس
كلو كرهنى وبيهرب منى تقلت ع النفوس
50 جنيبه في 50 في 100 في 100
بسرق يوماتى فلوس من البيت وكلو شك فيا
نزلت بيعت كل حاجة جتلى في يوم هدية
خلصت فلوسي لحد فيوم ما جتنى يوم فكرة هى هى
ذهب امى موبايل اختى لاب توب اخويا
سرقتهم نزلت اهرب من البيت وقفنى ابويا
حاول يمنعنى مسكنى من ايدى جامد
زقيته اتخبط في الحيط بصلي ازاي ابنو واذيتو
خد منى كل حاجة و تربس الباب غضب
ساعتها طلبت اغرب حاجة ممكن تطلب
عاوز فلوس حالا ياما هرتكب جريمة
اتهمنى بالجنون وادانى كم شتيمة
ببان كل الاوض بتتفتح عيلتى بتتفرج لسة بيستوعبه
يمكن ده جد يمكن بيهرج
سحبت بنت اختى 3 سنين ناحية شباك
هاتو الفلوس لارميها فجأة زاد الارتكاب
امى بكت بحرقة قدامى فقت ثوانى
رمتلى فلوس وبصوت عالى مشفش وشك تانى
امشي ملكش ام يا ابغض من شيطانى
خدت الفلوس وجريت عارف مش راجع بيتى تانى

قطر الحياة بيعدي بسرعة سنة في سنة في سنة
وانا زي مانا من لما كان عندى سنة
هى هى الحياة هو هو انا انا
زهقت طهقت من الحياة
تقدر تقول مليت انا


خسرت كل اهلى وصحابي بقيت وحيد
ومنين هجيب فلوس لازم القى طريق جديد
فجأة افتكرت جار من سني ساكن لوحدو طول عمرو
ابوه ف اعارة بره مصر و شهرى فلوس يبعتلو
شديته زي ما اتشديتت انا لنفس الطريق
لقيت مصدر فلوس جديد وبيت ولقيت صديق
نضرب سوا بفلوسه وفي بيته ملناش ظهور
شقى سنين ابوه خلص كله في اربع شهور
وفي ليلة بنضرب جاتلو مكالمة مصدقهاش
ابوه عرف ان ابنو بيسرقو اتنقل انعاش
كل عصب في جسمى اتوتر زودت الجرعة
الجرعة المعتادة خلاص مبقتش تأثر
شريط حياتى بيتعرض قدامي اغبر فغبر
ضربت السم في عروقي زودت اكتر و اكتر
نفسي افنى واخلص من الدنيا زي المية اتبخر
كمان زودت سنة جسمى كلو اتلون اصفر
صاحبي اتفزع قام واتسرع
مالك اصفر ليه يا جدع
جسمك عرقان وبتترعش زي الى من الحية اتلدع
رغم انى غرقان في العرق جسمى منلج موجوع وجع
من خضتى جيت اسلب طولي جسمى على الأرض اترزع
جسمى رافض لكل امر منى القوة اتهدت
والدنيا بتظلم تدريجى واحدة واحدة اسودت
اخر لقطة في حياتى شفتها كانت ماساة
صاحبي مرعوب وبيراقب فراقي للحياة


قطر الحياة بيعدي بسرعة سنة في سنة في سنة
وانا زي مانا من لما كان عندى سنة
هى هى الحياة هو هو انا انا
زهقت طهقت من الحياة
تقدر تقول مليت انا


عمري بسرعه انتهى
رجعت شريط حياتي
ملقتش في حاجة عدله تتذكرلي عملتها
حياتي راحت مني كلها ضيعتها
ندمان على كل لحظة غامقة في يوم انا عشتها
يارب اديني فرصة تاني ارجع للحياه
حمشي في طريقي صح لحد آخر منتهاه
دي حاجة صعبة فعلا انك تختفي من الدنيا
والناس متفتكركش بحاجة حلوه لوجه الله


0 comments:

إرسال تعليق

خلاصة عرب سفن انهاردة

عرب سفن © 2011